Assalamualaikum cinta...
Maaf, kediaku baru masuk kraja pagi antadi...
Nda dapat ditahan aing mata ani dari mengalir bila mengimbas kembali cerita ani.
Mari ikuti kisah sayu ani...
Hari ani 14/01/2013.... Kediaku dikajutkan lagi berita yang amat payah diterima... Kediaku bangun pagi macam biasa kan antar Iddin skulah dan kraja... Ya... Kediaku kraja skajap so tangah hari kediaku kiranya kan melawat basia di hospital lagi....
Kediaku sampai di tadika dan dapat call dari Abg M.....
"Die, bapa nada ada sudah...." sunyi...
Rasanya kediaku terkaku kajap dan tarus capat-capat panggil cigu Rohana baritau Iddin nda tah masuk skulah hari ani berikutan nene boynya di Bukit Kallam sudah meninggal. Tarus jua kediaku baritau officemate yang kediaku mohon emergency leave 2 hari.... (banarnya kan minta 3 hari tapi sudah tersalah cakap ke 2 hari tah plang)
Rushing ke hospital tarus ke ICU dan Abg M arahkan kediaku tanangkan mama di wad sebalah... Sadihh... Sungguh sadih bila meliat keadaan mama cematu... Aing mata ani laju saja... Lagi kasian meliat Iddin yang turut jua mengalir aing mata tapi iya nda tau kenapa semua urang sekelilingnya sadih... Nasib baik Iddin nda begelurat dan mau di arah... Nda dapat kediaku tanangkan keadaannya cematu, nda sampai hati meliat aing matanya laju... Time kami bawa mama ke ICU meliat aruah bapa lagi tah kasian... Suasana atu hantap pilu... Banar tahnya urang... Ajal ani mun datang nda iya bepadah.
Abg M sedari kemarin stay di hospital saja bagi memantau perkambangan beliaunya. Syukur... Kesakitan yang aruah bapa tanggung nda batah. Aruah meninggal awal pagi dalam 7 labih.... Dan kediaku jua bersyukur sabab kesemua ipar-iparku sampat meliat dan melawat sebalum kehambusan terakhir bapanya.
Semoga aruah bapa mentua aman di sana... Al-Fatihah...
Tiada ulasan:
Catat Ulasan